[Críoch]-

[Nótaí do na heagarthóirí]

Bunaíodh Oifig an Ombudsman d’Óglaigh na hÉireann faoi fhorálacha Acht Ombudsman (Óglaigh na hÉireann) 2004. Go bunúsach, an tOmbudsman an mheicníocht achomharc neamhspleách faoi Chóras inmheánach Sásaimh in Éagóracha Óglaigh na hÉireann.

Forálann an córas sásaimh in éagóracha (s.114 den Acht Cosanta) gur féidir le haon chomhalta d’Óglaigh na hÉireann ar dóigh leo gur déanadh éagóir orthu ar aon bhealach gearán a dhéanamh agus imscrúdú agus sásamh a lorg. Sa chás is go gcruthaítear gur déanadh éagóir, tairgítear sásamh don ghearánach. Sa chás is nach mbíonn gearánach sásta le toradh an imsrcúdaithe ná leis an an sásamh beartaithe cuirtear an cás chuig an nGinearáloifigeach i gCeannas agus mura réitíonn sin an cás chuig an gCeann Foirne. Má bhíonn an gearánach fós míshásta féadfaidh sé an gearán a chur ar aghaidh chuig an Ombudsman. Déanann an tOmbudsman cásanna a chuirtear ar aghaidh chuici a thagann faoina téarmaí tagartha a imscrúdú.