Tá sé i gceist go n-imscarfadh Óglaigh na Éireann grúpa chuig Deisceart na Liobáine ar dtús an 23 Bealtaine 2011 agus go n-imscarfaí an phríomh-dhíorma i dtreo dheireadh mí Meithimh 2011. Imscaradh bliana a bheidh i gceist ar dtús a bheidh faoi réir athnuachan an tsainordaithe agus athbhreithniú sásúil ar an misean. Cuirfear in iúl don UN nach rachaidh rannpháirteacht na hÉireann thar 3-4 bliana ar a mhéid.

I ndiaidh don Dáil an misean a cheadú dúirt an tAire: “Tá sé ríthábhachtach go gcoinneodh Éire leibhéal tiomantais d’oibríochtaí idirnáisiúnta síochána agus do na hoibleagáidí a ghlac sí uirthi féin mar chomhalta de na NA. Cuireann oibríochtaí thar lear go mór le forbairt ghairmiúil Óglaigh na hÉireann”.

Dúirt an tAire Shatter freisin: “Léiriú é rannpháirteacht na hÉireann in UNIFIL ar an difear dearfach agus praiticiúil atá tíortha beaga ar nós Éirinn in ann a dhéanamh i dtíortha ar fud an domhain a mbíonn trioblóid iontu trí thacaíocht a thabhairt do na Náisiúin Aontaithe”.

CRÍOCH

Nóta chuig Eagarthóirí

Tá ceangal ag Éire le UNFIL ó bunaíodh é in 1978. Tarraingíodh amach príomhchathlán Óglaigh na hÉireann i 2001 tráth a raibh 23 bliain seirbhíse tugtha aige le UNIFIL. Rinne Éire díorma a imscaradh arís chun na Liobáine in 2006 ar feadh tréimhse 12 mí i dteannta cuideachta Innealtóireachta as an bhFionlainn, tráth ar threisigh comhraic ansin agus ar cuireadh méadú mór ar Fhórsa UNIFIL faoi shainordú NA.